ПОДЕМ во дел од општините на претстојните локални избори ќе настапи како дел од коалицијата “Македонија за сите луѓе”, а во дел ќе има самостоен настап.
На сите граѓани им го честитаме “8-ми Септември” – Денот на независноста на Република Македонија!
Партијата на обединети демократи дава целосна поддршка на одржувањето на Семакедонскиот протест што ќе се одржи на 25.04.2021ва година пред Владата и Собранието на Република Македонија. ПОДЕМ со своето членство ќе даде придонес во поддршката за безусловно ослободување на неправедно осудените Македонци за настаните во Собранието на РМ од 27ми април 2017та година.
Членовите на Централниот Одбор на Партијата на обединети демократи на Македонија – ПОДЕМ, ја усвоија Програмата за работа на Партијата на обединети демократи на Македонија – ПОДЕМ, како и Програмската платформа за политичко дејствување на партијата во период 2020 – 2024 година.
На седницата на Централниот Одбор, донесе и одлука, на вонредните парламентарни избори во Република Македонија, да учествува во коалицијата Обнова на Македонија предводена од ВМРО-ДПМНЕ.
Комисија за комуникации
ПОДЕМ
Скопје, 10.03.2020 година
На Седницата на Извршниот одбор на ПОДЕМ, а во присуство на претседателите на општинските организации на ПОДЕМ, свое обраќање имаше претседателот на ПОДЕМ, проф. д-р Живко Јанкуловски, во кое ги презентираше своите ставови за актуелната политичка ситуација и предизвиците со кои се соочува Република Македонија.
Посебно внимание на состанокот се посвети на текот на подготовките на партиските тела и општинските организации за претстојните предвремени парламентарни избори закажани за 12 април 2020 година.
Во раните утрински часови, се донесоа следните заклучоци:
– Да продолжат преговорите со досегашниот коалиционен партнер ВМРО ДПМНЕ, со цел изнаоѓање заедничко решение, а врз основа на програмските и стратешки интереси за Република Македонија и натамошна соработка.
– Да се превземат активности за евентуален самостоен изборен настап на предвремените парламентарни избори или во коалиција со помали политички партии со слична програмска платформа.
– Конечната одлука за настап на предвремените парламентарни избори на ПОДЕМ ќе ја донесе Централниот одбор, во вторник, 10-ти март 2020 година.
Комисија за комуникации
ПОДЕМ
Со поддршка на сите делегати на ОО ПОДЕМ Штип, на 3-тото Изборно Собрание на ПОДЕМ за претседател е избран Јорданчо Тонев.
По одлуката на Извршниот одбор на ПОДЕМ, општинските организации почнаа со процес на ажурирање на членството на ПОДЕМ. Истовремено работните комисии на ПОДЕМ, со активно учество на членовите на ПОДЕМ учествуваат и во изработката на изборната програма за претстојните парламентарни избори.
За таа цел во ОО ПОДЕМ Битола, свое обраќање до членовите на ПОДЕМ, а и до пошироката битолска јавност имаше и м-р Златко Лозановски – претседател на ОО ПОДЕМ Битола.
“Наша обврска е како партија да се спротиставиме на уназадувањето кое веќе три години се врши во сите полиња од нашето живеeње- почнувајќи од: упропастеното здравство, правниот колапс, уништеното земјоделие, напуштеното образование, како и стопанство со бројни проблеми.
Би сакал да ве информирам дека од денес па се до 15 Декември во општинската организација на ПОДЕМ во нејзините работни часови ќе се одвива процесот на ажурирање на членството. За таа цел ги повикувам сите членови да го ажурираат своето членство и своите податоци со што сите би помогнале во утврдувањето на досегашните позиции и собирање на нови сили во престојната ОБНОВА ЗА МАКЕДОНИЈА.
Воедно апелирам и повикувам сите граѓани кои се незадоволни од политиките на актуелната власт – на локално и централно ниво а ги подржуваат ставовите и политиките на ПОДЕМ да ни се приклучат во нашата борба и дадат придонес со своите идеи во повторното изградување на темелните вредности во Македонија. ” – истакна Лозановски.
По денешната седница на Извршниот одбор на партијата, ПОДЕМ ги повикува своите членови, симпатизери и сите граѓани на Република Македонија, да излезат масовно на претстојните претседателски избори и да ја поддржат професорката Гордана Силјановска Давкова.
Како никогаш до сега потребно е да се излезе во што поголем број и да се избере Претседател на државата.
Со изборот на Силјановска Давкова, Република Македонија се враќа на правото и правдата, темелот на Копенхашките критериуми, почитувањето на човековите слободи, како и развојот на економијата и европските вредности.
На 43-тата Седница на Централниот Одбор на ПОДЕМ присуствуваше проф. д-р Гордана Силјановска Давкова – кандидат за претседател на Република Македонија од редовите на Коалицијата за Подобра Македонија. На состанокот присутен беше и Александар Николовски – потпретседател на ВМРО ДПМНЕ.
На почетокот свое обраќање имашепретседателот на ПОДЕМ проф. д-р Живко Јанкуловски кој во своето обраќање истакна “Убедени сме дека и со наша максимална ангажираност, но и поддршка од мнозинството граѓани на Република Македонија, конечно ќе го добиеме вистинскиот Претседател на Македонија, искусен, почитуван и борец за правото и правдата. Уште повеќе ваков профил на Претседател ни е потребен, кога знаеме што се ни се случуваше во изминзтиве две години, со доаѓањето на оваа марионетска, насилна, криминална и ненародна власт во Р. Македонија и која со невидена леснотија промени се што имаше да смени и да не остави ништо од Македонија, не обезличија и распродадоа само и само да си ги постигнат своите лични интереси, како и интересите на соседите. Убеден сум дека со доаѓањето за Претседател на Р Македонија на почитуваната професорка Гордана Силјаноска Давкова, можеме да очекуваме дека ќе направи се да ги стопира некои започнати, а сеуште недовршени предавнички проекти на сегашната власт, но и да го врати угледот , правото и правдата во Република Македонија”.
“Голема благодарност до ПОДЕМ – Партија на обединети демократи на Македонија, и навистина е битка за демократијата во Македонија, зашто далеку е од демократија она што се случува денеска во нашата држава. Јас, како што знаете ја побарав и ја добив поддршката на Конвенцијата од ВМРО ДПМНЕ, потоа исто така ја побарав и ја добив поддршката од мои колеги, ја добив поддршката и од ГРОМ, а еве вечерва и од ПОДЕМ. Мислам дека тоа значи, дека сите сме за подем кон подемократско општество, зошто така ќе бидеме поблиску до дестиницијата Европската унија, но тоа не е пат кон Брисел, туку тоа е пат – дома кон европеизација. Навистина сум допрена од атмосферата, од размената на ставовите, од љубопитноста, и со задоволство одговарав на нивните прашања. Заклучивме дека имаме слични ставови, што мислам дека е добра гаранција на следните избори, не заради мене, туку заради Македонија.” – изјави проф. Гордана Силјановска Давкова по состанокот.
На состанокот членовите на ЦО на ПОДЕМ поставуваа актуелни прашања до кандидатот за Претседател и ги договорија идните насоки за што поуспешна изборна кампања на претстојните претседателски избори во Република Македонија.
