Согласно Статутот на Подем, организацијата на жени претставува иницијатива создадена со цел да ги охрабри, поддржи и обедини жените во нивниот личен, професионален и општествен развој. Организацијата се залага за унапредување на положбата на жената, поттикнување еднакви можности и создавање услови за активно учество на жените во заедницата.

Преку различни активности, обуки, средби, проекти и иницијативи, организацијата на жени работи на јакнење на самодовербата, знаењата и вештините на жените, како и на нивно меѓусебно поврзување и поддршка. Посебен акцент се става на развојот на лидерски потенцијал, општествена одговорност и придонес кон позитивни промени.

Претседател на организацијата е Јованка Михов, која со својата посветеност, одговорност и визија придонесува за развојот и јакнењето на организацијата и нејзините цели.