Советот на интелектуалци е посебно програмско, советодавно и стратешко тело во рамки на PODEM, формирано со цел во политичките процеси да внесе знаење, експертиза, аналитички пристап и долгорочна визија за развојот на државата.

Ова тело ги обединува истакнатите интелектуалци, универзитетски професори, научни работници, истражувачи, правници, економисти, лекари, инженери, културни дејци, експерти од јавната администрација, претставници од граѓанскиот сектор и професионалци од различни области, кои со своето знаење, искуство и интегритет придонесуваат во креирањето на квалитетни и применливи јавни политики.

Советот на интелектуалци е формиран врз уверувањето дека современата политика мора да биде темелена на аргументи, анализи и стручни решенија. Во време на брзи општествени промени, економски предизвици и комплексни национални прашања, потребен е системски пристап кој ќе ја надмине дневната политика и ќе понуди визија заснована на знаење и одговорност.

Како тело во рамки на ПОДЕМ, Советот има задача да обезбеди експертска поддршка во процесот на креирање на партиските политики, програмски определби и реформски концепти, со посебен фокус на:

• економски развој и фискална стабилност;
• образование, наука и иновации;
• земјоделство и регионален развој;
• здравствен систем и социјална сигурност;
• владеење на правото и институционални реформи;
• дигитализација и модернизација на јавниот сектор;
• млади, демографија и човечки капитал;
• култура, идентитет и национален развој;
• евроинтеграции и меѓународна соработка.

Советот активно учествува во подготовка на анализи, стратешки документи, предлог-закони, програмски платформи, јавни политики и експертски препораки. Исто така, организира тематски дебати, тркалезни маси, конференции и јавни расправи со цел отворање на суштински општествени прашања и понуда на конкретни решенија.

Особена вредност на Советот е неговата автономна интелектуална позиција и можноста да делува како коректив и двигател на квалитетот во политичкото одлучување. Неговата улога не е само советодавна, туку и развојна – да иницира нови идеи, да препознава идни предизвици и да предлага политики што ќе обезбедат долгорочен напредок.

Преку Советот на интелектуалци, ПОДЕМ ја потврдува својата определба да гради политика на компетентност, интегритет и визија. Тоа е јасна порака дека иднината на државата не смее да се темели на импровизација, туку на знаење, стручност и одговорно лидерство.

Мото на Советот:

„Знаењето создава визија. Визијата создава иднина.“