ЈАНКУЛОВСКИ: Денарот е темел на економската стабилност – фокус на одржлив раст и стабилен финансиски систем
Денарот останува еден од клучните столбови на економската стабилност и предвидливоста на македонската економија, беше истакнато на настанот „Ден на денарот 2026“ кој се одржа во Штип, со учество на претставници од академската заедница и економски експерти.
На настанот учествуваше и заменик-министерот за финансии, кој нагласи дека ваквите дискусии се значајни за унапредување на економските политики и за зајакнување на јавната свест за улогата на стабилната валута во економскиот развој.
Во фокусот на разговорите беа значењето на денарот, идните економски предизвици и насоките на монетарните и фискалните политики во контекст на глобалните економски движења.
Заменик-министерот порача дека државата останува цврсто посветена на одржување стабилен финансиски систем и создавање услови за одржлив економски раст.
„Продолжуваме со јасна цел – стабилен финансиски систем и одржлив економски развој“, беше истакнато на настанот.
Тој упати благодарност до Економскиот факултет во Штип за организацијата и до сите учесници за конструктивната и стручна дискусија, која, како што беше оценето, придонесува кон подобро разбирање на економските процеси и предизвици.
