Централниот одбор на ПОДЕМ претставува највисок орган на Партијата помеѓу два конгреса и има клучна улога во политичкото, организациското и програмското функционирање на ПОДЕМ. Согласно Статутот на Партијата, Централниот одбор раководи со Партијата меѓу два конгреса, се грижи за спроведување на донесените одлуки, утврдува политички ставови и насоки на дејствување, како и носи одлуки од значење за организацијата и развојот на Партијата.  

Централниот одбор го сочинуваат Претседателот на ПОДЕМ, по еден претставник од секоја општинска организација, како и дополнителен број членови избрани од Конгресот на Партијата. Мандатот на членовите трае четири години со право на повторен избор.  

Во рамки на своите надлежности, Централниот одбор избира Извршен одбор, потпретседатели и секретари на Партијата, донесува одлуки за основање интересовни форми на организирање, одлучува по жалби на одлуките на општинските организации и утврдува кандидати и политички насоки за изборни процеси. Исто така, Централниот одбор ја води финансиската политика на Партијата, управува со имотот и донесува акти и правилници поврзани со внатрешното функционирање на ПОДЕМ.  

Седниците на Централниот одбор ги свикува и со нив претседава Претседателот на ПОДЕМ, а одлуките се носат согласно статутарните процедури и принципите на демократско одлучување утврдени во Статутот на Партијата. Централниот одбор претставува орган преку кој се обезбедува континуитет во работата, политичката координација и спроведувањето на програмските определби на ПОДЕМ.