skip to Main Content

Дали Петровска чека одзема...

Како Член на советот на општина Битола, сакам да алармирам за бројните реакции на нашите сограѓани, стотици семејства, кои НЕ МОЖАТ да си го остварат ПРАВОТО на легализација на бесправно изградените објекти, кои поднеле барања согласно позитивните законски прописи,  ИСКЛУЧИВО заради самоволието и бегањето од давање на вистински одговори на градоначалничката Наташа Петровска. Тоа се сограѓани кои уредно и законски си комплетирале документација, потрошиле и време и пари, и чекаат финализација на постапката.

Нема ден, да нема семејство кое оди од канцеларија до канцеларија во општината да праша до каде е статусот на нивното барање,  но никој не смее да им даде било каква информација, бидејќи легализацијата како процес, од октомври-минатата година, е ТАБУ ТЕМА во општината.

Ја повикувам Петровска, Да престани да го руши достоинството и на Советот, со што ќе дозволи, да предметите од општинската администрација,  бидат разгледани на комисијата за урбанизам, со што би оделе како точки на Седница на Совет, и би завршиле постапките со врачување на решенијата за легализација на граѓаните.

Во оваа прилика сакам да поставам и неколку прашања:

  1. Дали Петровска знае дека со ова кочење ОНЕВОЗМОЖУВА и дополнителен приход на општината што би можеле да се искористат за реализација на проекти?
  2. Дали е свесна, дека со оваа постапка, општина Битола може да добие и глоба од Државниот управен инспекторат во висина до 15000 еур, заради намерно одолговлекување на постапките и спречување во остварување на законските права на граѓаните?
  3. Дали е свесна дека нејзината фобија од ставање потпис на документи MOЖЕ ДА ДОВЕДЕ до одземање на ингеренциите од областа на урбанизмот, од страна на централната власт, што всушност може да е и целта на ова нејзино однесување?

Граѓаните ЗАСЛУЖУВААТ ОДГОВОРИ!

 

Со почит,

Комисија за односи со јавност

 

ПОДЕМ: Дали со последните и...

Партијата на обединети демократи на Македонија – ПОДЕМ пред целата македонска јавност прашува дали последните политички изјави од македонскиот државен врв се во функција на подготвување на терен за промена на уставот.

Од Премиерот Зоран Заев слушнавме дека Македонија секако треба да го отвори Уставот пред влегување во ЕУ. Рече и дека ако се работи за дополнителни гаранции или нешто што е важно за граѓаните на Грција, кои се страна, тогаш би можело и за тоа да се разгледува како можност, при што посочи дека тој е човек кој ги бара сите можни креативни начини на изнаоѓање на решение, знаејќи дека може да се постигне решение ако институциите во Грција гласаат и институциите во Република Македонија гласаат за тоа решение.

Затоа ПОДЕМ прашува за какви креативни начини станува збор. И зарем и таквата можност не испраќа уште еден сигнал дека Македонија е подготвена на уште отстапки.
Дали со вакви изјави се подготуваат граѓаните на Република Македонија за промена на уставот, се разбира чекор по чекор, но пополека и сигурно. Прво само договор, а во идно време пред влез во ЕУ и промена на Уставот. Веројатно, тогаш во уставот ќе се вклопи и Законот за јазици.

Шефот на македонската дипломатија Никола Димитров порача и дека ќе сториме се што можеме извештајот од Европската комисија во јуни да го преточиме во политичка одлука.

Што е тоа СЕ?
Дали македонските граѓани се подготвени да платат ваква цена? Дали знаат каква цена треба да платат и дали знаат што на крај ќе добијат? И дали нешто ќе добијат?

Комисија за односи со јавност
ПОДЕМ

ЈАНКУЛОСКИ: Дали и избрзана...

Во пресрет на денешната средба во Виена за името, како и по протерувањето на рускиот дипломат од Македонија, Партијата на обединети демократи на Македонија – ПОДЕМ повикува во однос на двете прашања Македонија да се води од принципот на градење на добри односи со сите.
ПОДЕМ смета дека избрзано се пристапи кон прашањето за протерување на рускиот дипломат, за што веќе слушнавме од рускиот амбасадор дека ќе следи адекватен и промислен одговор.

Да не заборавиме дека Русија е меѓу првите земји која не призна под нашето уставно име. Исто така дека е постојана членка на ООН и што е најважно од се немаме никви отворени прашања помеѓу двете држави.
Само за потсетување, нема никакви осуди и протерувања на руски дипломати од страна на половина земји членки на ЕУ и НАТО, а секако и од соседна Грција.
По ваквата одлука потребно е транспарентно изложување на причините за одлуката за протерување на дипломатот. Само таков пристап може поволно да влијае на односите меѓу Македонија и Русија.

Но, да се надеваме дека нема да бидеме на удар на извозни санкции, особено што Русија е значаен трговски партнер, пред се во поглед на пласманот на земјоделското производство од Македонија.
На транспарентност инсистираме и во преговорите со Грција. Сметаме дека само така ќе се скратат апетитите на грчка страна.
Во спротивно, се додека Коѕијас го дочекуваме како Маршал, тој едно ќе зборува пред нас тука, а друго кога се враќа во Грција.
Така, за време на последната посета на Македонија, Коѕијас пред сите изјави дека постојат компромиси, и како што рече самиот, не можеш да наметнеш на никого како да се однесува.

Но, не требаше многу, за кога ќе замине во Грција да не нарече малo тукушто родено бебе, кое се уште го нема најдено својот идентитет. Крајно навредувачки како кон сосед, каде живее народ со долгогодишен македонски идентитет и култура.
Затоа, потребно е да и покажеме на Грција, но и на светот, дека сме големи како земја и како народ и дека за нас идентитетот е аманет и света работа.
Исто така, достоинствено и гордо да покажеме дека ние сакаме да градиме добри односи со Грција, односи на почит и пријателство, но за возврат очекуваме ист пристап.

Да кажеме дека Македонија и македонскиот народ се на прво место и дека нема да прифатиме никакви уцени и сакаме само под такви околности да бидеме испочитувани од ЕУ и НАТО и само како такви да станеме нивни сојузници и партнери и никако, да не прифаќаме предлози како што сега ни се нудат од страна на Грција.

Проф. д-р Живко Јанкулоски
Претседател на ПОДЕМ

Гласање на Законот за јазиц...

Партијата на обединети демократи на Македонија – ПОДЕМ ги повикува пратениците во Собранието на Република Македонија, да внимаваат кога се во прашање закони кој се од национален интерес и кој предизвикуваат вознемиреност кај сите граѓани во Македонија, поради заобиколување на уставните и регуларни процедури, каков што е сега случајот во однос на Законот за употреба на јазиците. Да се гласа и да се донесе Законот за јазици без амандманите на опозицијата значи погазување на демократијата во РМ.

Нејасно е зошто законот се турка на мала врата, зошто се прескокнуваат процедурите во Собранието, зошто не се почитува Уставот и деловникот. Нејасно е зошто на легално избран пратеник ад хок да му се одбиваат амандманите. Што во тој случај пратениците од опозицијата ќе прават во собранието.А уште поголем парадокс е тоа што од една страна се отфрлаат амандманите, од друга се бара од опозицијата да влезе во Собранието за донесување на реформските закони.

Се поставува прашањето, зошто овие пратеници да се враќаат во македонското собрание кога веќе нивниот труд со поднесените амандмани вон сите законски регулативи, се отфрлаат, не се разгледуваат и замислете од кој, од т.н нелегитимно избран претседател на Собранието. Кој во вакви услови може да гарантира дека предлозите на опозицијата воопшто ќе бидат некогаш земени во предвид и разгледувани.Потсетуваме и дека Законот за јазици се уште не обезбеди мислење од Венецијанската комисија, која требаше уште во поранешни фази да ја оценува усогласеноста со европските стандарди. И Хан и Тимоние нагласија дека овој закон не е дел од европската агенда и не е услов за земјата да добие препорака од ЕУ.

Затоа уште еднаш повикуваме да им се даде предност на реформските закони и на овозможувањето на услови кој значат реформи и економски развој на Македонија.
Го повикуваме премиерот Зоран Заев отворено да каже зошто сака па неќе, зошто знае дека не е во ред ова што го прави, а го прави ! Које притисокот врз него, од каде доаѓа што сега не се согласува и не дозволува законот да помине низ уставна и регуларна процедура.

Потсетуваме дека овој закон се носи во услови кога не може да биде поткрепен со конкретни бројки кои треба да ги обезбеди долго бараниот попис на населението.
ПОДЕМ не е против отворање на етничките заедници во македонија да ги уживаат сите права како и македонците. Но, сметаме дека не се работи во овој случај за тоа, туку во прашање е сосема нешто друго што не е од интерес ниту на албанците.

Граѓаните на Македонија гласаа за подобро утре и за подобра економска перспектива, а напротив, ова решение длабоко ни навлегува во издвојување на огромни финансиски средства издвоени од бугетот на секој граѓанин.
Затоа ги повикуваме партиите од владеачката коалиција да не го подметнуваат законот за јазици на мала врата. Трпението на граѓаните е при крај. Не ги спротивставувајте едни против други Македонците и Албанците, па и другите етнички заедници. Не е време за дополнително разгорување на страстите.

Упатуваме повик до ДУИ на разумно и смирено делување, како и на почитување на законските процедури во Собранието. Сметаме дека не требаше ад хок да се отфрли понудата на опозицијата за поддршка во собранието, со што ќе се стеснеше просторот за уцени од било која страна.

Уште еднаш повикуваме на лидерска средба во проширен состав, со учество на сите политички партии, со цел да се изнајде заеднички јазик во однос на клучните прашања кои ја засегаат европската, но и економската перспектива на Македонија.

Комисија за односи со јавност ПОДЕМ

ПОДЕМ: Законот за јазици не ...

Партијата на обединети демократи на Македонија – ПОДЕМ уште еднаш повикува на транспарентност и отвореност во однос на најважните национални прашања како што е законот за јазици и односите со соседите односно спорот со името.

Очигледно е дека Законот за јазици ја ниша владеачката коалиција на СДСМ и ДУИ. Да не дозволиме тоа нишање да ја разниша и стабилноста и перспективата на Република Македонија.

Доста е со уцени! Да не дозволиме теснопартиски интереси и уцени да ја одредуваат судбината на граѓаните на Македонија.

Затоа ПОДЕМ ги повикува и СДСМ и ДУИ со отвореност и транспарентност да стават крај на тензиите. Секакви уцени ќе се пресечат во корен ако јавно и јасно се каже што се договарало, ако отворено се каже што може, а што не може да биде производ на коалицирањето.
Транспарентоста е единствениот метод кој треба да се примени и во односите со соседите, но и дома. Затскривањата на тоа што се преговара, како со Грција, така и со ДУИ, очигледно води кон засилени апетити.
Денеска Грција ни порача дека не било доволно што Македонија ги смени таблите со имињата на аеродомот и автопатот. Отворено слушнавме дека со тоа нема да се реши проблемот со името. Каменос дури ни порача и дека Заев давал хумуристични изјави.
Во Грција веќе не не сфаќаат сериозно. А и како ќе не сфаќаат после толку отстапки?! Како да не можеше таблите да се сменат откако ќе се реши името.

Сега бараат надуставен договор, доаѓаат со дополнет нацрт… и што ли уште ќе им текне до следната недела кога Коѕијас ќе дојде во Македонија за да ги врачи новите уцени.
Сите досега направени отстапки им даваат залет и на Грција, и на ДУИ.
Доцна се укажа и на начелото на реципроцитет. Но за да не биде предоцна, сега е моментот СЕ отворено да се каже. Што му е ветено на Грција и што му е ветено на ДУИ. Македонскиот народ има право да знае кој и како му ја крои судбината.

ПОДЕМ изразува задоволство што најверојатно сега ќе се реализира лидерската средба на која што повикувавме. Но повторно потенцираме, дека лидерската средба треба да се одржи во проширен состав, односно да се вклучат сите релеванти партии.
Во време кога целата политичка ситуација во Македонија мириса на техничка влада и предвремени избори, можеби е време да се размисли за една национална коалиција. Двете најголеми политички партии, СДСМ и ВМРО ДПМНЕ да седнат на иста маса и да направат коалиција по примерот на Германија. Со тоа, заеднички еднаш засекогаш да ги одредат приоритетите за националните прашања.

Приоритет за Македонија е влезот во Европа, а не донесување на закони кои не подлежат на европско знаме, но се наметнуваат и го блокираат собранието кое треба да ги донесе вистинските европски закони.
Таа коалиција, на СДСМ и ВМРО ДПМНЕ, треба да е отворена и за албанските партии. Но тие треба да покажат дека и мислат добро на Македонија, а да не секое коалицирање да го користат за остварување на цели кои не се во заеднички интерес на сите граѓани на Република Македонија, без оглед на која етничка група припаѓаат.
На крајот на краиштата Законот за јазици и не е закон за јазици, туку е Закон за албанскиот јазик. Зарем во 21 век Македонија ќе носи закон кој не ги става во рамноправна положба сите етнички заедници.

Дури преку една ваква широка коалиција, каде никој никого нема да може да уценува, ќе се види реалната политичка моќ на партиите, која треба да извира од гласот на граѓаните.
Формирањето на таква коалиција ќе овозможи и одржување на долго бараниот попис. Да се преброиме и да видиме кој колку придонесува во оваа држава, а колку бара. Оти очигледно е дека некој бара премногу.

Со формирањето на таква коалиција, нема веќе да има како денес состојби кои не ја отсликуваат реалноста, но се манифестираат низ поделби на директорски места, уцени и земање плата по рамковен без да се оди на работа.
И сето тоа додека народот во Македонија не може да врзе крај со крај.
Зарем тоа го заслужи македонскиот народ, кој гласаше за т.н. промени кон подобро, а доби блокада од неевропски закони.
Овој народ заслужува европска перспектива. Таа може да се оствари само низ чесен и отворен пристап.

Комисија за односи со јавност
ПОДЕМ

Работилница на УСАИД – Ж...

“Женско претприемништво – модел кој ги зближува жените од политиката, граѓанскиот сектор, различни етнички и маргинални групи, споени во заедничкиот интерес за бизнис успех во општеството.”

Работилница во организација на USAID на која активно учество имаа и претставници на Организацијата на жени при ПОДЕМ

ПОДЕМ го поддржува семакед...

Партијата на обединети демократи на Македонија – ПОДЕМ го поддржува Семакедонскиот митинг кој денеска се одржува во Скопје, како и сите иницијативи за одбрана на уставното име на Република Македонија.

Денеска имавме можност да го проследиме и интервјуто на Премиерот Зоран Заев за агенцијата Ројтерс, каде што извесно е дека во спорот со Грција се преговара за четири имиња. Предлозите се Република Северна Македонија, Република Горна Македонија, Република Вардарска Македонија и Република Македонија (Скопје).
Истовремено во интервјуто се вели дека граѓаните на референдум ќе го поддржат решението дококу е тоа достоинствено.

ПОДЕМ јавно прашува какво е тоа достоинствено решение, ако истото вклучува и промена на името. Од друга страна прифаќањето на едно од понудените имиња ќе повлече и промена на Уставот, што значи и промена на идентитетот и јазикот, на што ПОДЕМ категорично се спротивставува.
Оттука, ПОДЕМ повикува на разумност и зачувување на уставното име, идентитет и јазик.

Во спротивно македонскиот народ ќе мора преку протести како денешниот Семакедонски протест да го брани своето право на уставното име и да го зачува достоинството на името на Република Македонија.

Скопје 27.02.2018 год. Извршен Одбор на ПОДЕМ

ПОДЕМ против зголемување н...

Дали граѓаните и стопанството во Битола не заслужија навремено да дознаат за одлуката за зголемување на цената на чинење на водата, кога на подготвителната седница на регулаторната комисија на 13.11.2017 год, била поканета и запознаена Градоначалничката на Битола? Зошто и после 2 месеци од официјалното носење на оваа, ценовно чувствителна информација на 24/11/2017 год, и во преку нејзини 20 јавни настапи, јавноста не беше запознаена? Дали граѓаните требаше сами да пребаруваат по интернет за да дознаат за оваа информација? Каде е тука транспарентноста на носителите на јавни функции? Дали во тој период, постапката за избор на директор на Водовод Битола беше побитна, од постапката за зголемување на цената на водата?

Уште повеќе одговорност има и Управниот Одбор на ЈКП Водовод Битола, кој беше избран на 23.11.17, ден пред донесувањето на одлуката на РК, одбор кој беше избран од мнозинството во Советот, и нити еден член не излезе да ја запознае јавноста со  оваа одлука.

Несомнено е дека целта, зошто оваа ценовно чувствителна информација беше криена од страна на јавноста, е ДА ПОМИНИ ЗАКОНСКИОТ РОК ЗА ТУЖБА од 30 дена, кој стои како правен лек во одлуката од регулаторна, за кој сега колку и да зборуваме е залудно бидејќи никој од погоре повиканите не ја извести ни јавноста, а нити пак превзеде нешто во фирмата, со што може и ќе се најдеше друго решение.

За да иронијата биде уште поголема, на 22.01.18, три дена по завршување на рокот на тужба (бидејќи вчера беше кажано на 29.11. ја добиле одлуката), Управниот Одбор држи кратка седница, на која без никаква реакција до јавноста и СВЕСНО поминат рок за тужба едногласно го прифаќа решението, и тоа не минимално понудената цена, туку средната вредност на зголемување на цената на водата.

Во прилог на оваа мое тврдење за кое реагирав и на седницата на 30.01.18 год. дека сепак нешто можеше да се превземи се и следниве одлуки донесени од страна на други институции во Република Македонија:

  1. Во случајот со Студенчица Кичево, Владата донесе заклучок со кој и се препорача на Регулаторната комисија за енерегетика да ја преиспита својата одлука за одобрување на покачување на цената на водата, а ЈП Студенчица да направи нова анализа за барањето за корекција на цената на водата.
  2. Општина Велес ја тужи Комисијата, оти во постапката при донесувањето на Решението за утврдување на тарифата за цената на водата, што ЈКП „Дервен“ ја испорачува на корисниците, за периодот 2018-2020 година, не било постапено според правилата на постапката и не била утврдена правилно фактичката состојба.
  1. Во случајот пак со ЈП Водовод и канализација Скопје беше изјавено дека по извршената длабинска анализа за финансиската состојба и работењето на претпријатието, Регулаторната комисија не ја заснова својата одлука на фактите и реалните потреби на граѓаните, и точките поврзани со поскапувањето на водата ги симнаа од дневниот ред на Советот.

Уште еднаш ги повикувам надлежните во општина Битола, да не си поигруваат со чувствата на граѓаните, да им признаат дека НИШТО не направиле за да ја спречат оваа одлука, ниту повеќе ПАК да ги информираат за поскапувањето на водата!

Видео од прес-конференцијата на Николче Јанкуловски – член на совет на општина Битола.

Сектор за комуникации

ПОДЕМ    Битола, 01/02/2018 год.