skip to Main Content

ПОДЕМ со повик до Јавното о...

Сапунската серија „Северни лични документи“ продолжува со нови епизоди.

Во секое ново издание антихероите глумат херои и се удираат во гради како конечно успеале да ги решат проблемите со личните исправи кои претходно самите ги создадоа.

Додека Претседателот Пендаровски, СДСМ и ДУИ го живеат својот „Синдром на спасител“ ние, граѓаните кои не живееме во нивната паралелна реалност доживуваме да ни биде изречена колективна мерка за обезбедување присуство – одземање на патна исправа и да ни биде ограничена сопственоста над нашите моторни возила.

Истите луѓе кои четири години по потпишаниот „Преспански договор“ сеуште издаваа пасоши, лични карти, возачки дозволи, регистарски таблици и сообраќајни дозволи со државно име кое сами го сменија, најпрво не сторија недоветни дека сите колективно сме биле несовесни чекајќи последен рок за промена на исправите, за „пет до избори“ да истураат емотивни изливи на грижа за народот и да гарантираат неказнивост на непроменетите исправи па дури и да предлагаат закони за измени на „законите за северни документи“ кои претходно сами ги донесоа и ги прекршија.

Сведоци сме на систематско кршење на човековите права на граѓаните од страна на сопствената држава.

Оваа лакрдија ќе резултира со илјадници постапки пред домашните и меѓународните судови кои ќе ја чинат нашата држава милиони евра.

Пред ова да се случи ПОДЕМ ги повикува Јавното обвинителство и Државното правобранителство да го заштитат јавниот, граѓанскиот и државниот интерес и пред лицето на кривичната и граѓанската правда да ги изведат оние сегашни и бивши државни функционери кои од нестручност или умислено систематски изложија над милион граѓани на материјална штета, изгубена добивка и ограничување на основните слободи и права.

Овие луѓе лично треба да бидат предмет на идните тужби од граѓаните а не нашата држава, со нивни пари треба да ни ги платат неправдите а не со нашите од буџетот.

Живееме во единствената држава која на своите граѓани дома и надвор им ги затвора вратите и од своите граѓани прави апатриди.

ПОДЕМ го повикува правосудството да се одважи и да ни го врати домот!

ПОДЕМ: Со измените на криви...

Почитувани сограѓани,

на предлог на владејачките партии, во експресна постапка, како да нема утре, без јавна експертска и компаративна расправа, Собранието го измени Кривичниот законик и драстично ги намали казните за дел од најтешките кривични дела.

Бурлеската да биде поголема намалените казни беа претставени како усогласување со европското право и беа донесени во т.н. процедура со европско знаменце.

Кривичниот законик, кај нас, но и секаде во цивилизираниот свет е еден од трите најважни правни акти во една држава и во најстарите демократии е непроменет со векови, па очекувано неговата небулозно брза и нелогична измена предизвика силно негодување од експертската јавност, кои ги истакнаа сите принципи, правила и процедури кои се прекршени и злоупотребени со овој чин.

Експертските и политичките мислења на страна, ПОДЕМ сака граѓаните да го знаат следново.

Прво, власта, интересно без позначаен отпор, но и без збор од најголемиот борец против корупцијата американската амбасадорка Агелер, ја намали казната за кривичното дело „Злосторничко здружување“.

Второ, „Злосторничко здружување“ е македонскиот законски термин за она што во светот се нарекува „Мафија“.

Значи, власта смета дека мафијата треба да биде помалку казнувана и дека, нејзините мафијашки дејанија треба побрзо да застаруваат.

Без дилема, во ист кош се ставени и „местачите“ на тендери, директорите со скапи „репрезентации“ и монструмите од Онкологија.

Тоа е се што треба да знаете за луѓето кои ви ја ветуваат Европа и европско владеење на правото!

Реакција за настаните на Кл...

Почитувани сограѓани,

Oткако еминентни медиуми со години пишуваа за сомнежи за организирана кражба на лекови од клиниката за Онкологија, деновиве обвинителството конечно презема чекори како прв пат да чуле за ова.

Ако сакаме да бидеме цинични, би рекле дека акцијата на обвинителството необично се совпаѓа со неуспешните уставни измени и ѝ доаѓа на власта, како добар спин од реалноста, но ќе одбереме да бидеме позитивни и ќе речеме – подобро задоцнето отколку заборавено.

Индициите се дека на Онкологија години наназад функционира злосторничко здружение на лекари и медицински персонал кои буквално крадат спасоносна терапија од пациенти кои чекорат по линијата помеѓу двата света и токму тие лекови им требаат да ги задржат меѓу нас.

Ако се точни наводите, излегува дека иронично, на клиниката каде смртта ги демне пациентите единствените „мртовци“ шетаат меѓу лекувачите, оти само „мртви души“ може да смислат и сторат ваков беден чин и да уживаат во таква заработка.

Македонската реалност не учи да не бидеме наивни, јавните осуди се едно а правдата и казната се сосем друго. Големи имиња се во игра, а до лица под политичка заштита, закон не дофрла.

ПОДЕМ ги повикува партиите кои изминативе 5 години имале свои министри за здравство и внатрешни работи, кои имале свои директори на оваа клиника но и оние кои номинирале Јавен обвинител и „спонзорирале“ избори на скопски обвинители, и наместо тоа веднаш да го направат единствениот чесен чекор – прекинете ја политичката заштита на сите нив.

Само така правдата ќе стигне до чудовиштата меѓу нив кои со смртта тргувале и на тоа замижувале и ќе ги жигоса со име, презиме и казна за пример.

Се помалку од ова ќе Ве направи исти како нив.

Ова не е тест дали сте европејци, ова е тест дали сте цивилизирани. Правдата е првото прашање.

Одговорете!

Партија на обединети демократи на Македонија-ПОДЕМ

Сектор за информации

Одржана седница на Централ...

Партијата на обединети демократи на Македонија-ПОДЕМ, вчера во Прилеп одржа состанок на Централниот одбор.

На состанокот беа донесени организациони и програмски одлуки важни за успешно реализирање на партискатата програма за политичката 2023/24 година.
Членовите на Централниот одбор извршија избор на Извршен и Надзорен одбор на партијата, како и избор на потпретседател на партијата, а беа избрани и два партиски потсекретари.

Истовремено, Централниот одбор го избра и новиот состав на Советот на интелектуалци, главното советодавно тело на партијата составен од еминентни универзитетски професори и претприемачи. Во рамки на плодната дискусија на членовите на Централниот одбор, ПОДЕМ усвои два начелни ставови за актуелни политички прашања.
Имено, ПОДЕМ одлучно се спротиставува на актуелниот процес на уставни измени и го повикува Собранието да гласа за негово одбивање доколку не се обезбеди реципроцитет од бугарска страна.

 

ПОДЕМ исто така го реафирмира својот долгогодишен став за измена на изборниот модел за избор на пратеници во Собранието и за воспоставување на поправедниот модел на една изборна единица без изборен праг и го повикува Собранието што е можно поскоро да ја стави оваа точка на дневен ред со што конечно секој гласач ќе добие валоризација на својот глас.
Во оваа насока ПОДЕМ инсистира на предвремени парламентарни избори како единствен излез од актуелната криза.

Централниот одбор е највисоко партиско тело помеѓу два партиски конгреси и е составено од претставници на сите општински организации на партијата од сите шест изборни единици.

Трибина на ПОДЕМ: развој на ...

Во хотел “Милениум“ во Битола, партијата на обединети демократи на Македонија-ПОДЕМ, Организацијата на жени и Комисијата за образование при ОО ПОДЕМ Битола организира трибина насловена “Развој на емоционалната интелегенција кај деца и млади за надминување на агресивното однесување – Булинг“.На трибината присутвуваа претседател на ПОДЕМ, проф. Д-р Живко Јанкуловски, членови, активисти, избрани и именувани функционери и пријатели на Партијата на обединети демократи на Македонија – ПОДЕМ.На темата  “Развој на емоционалната интелегенција кај деца и млади за надминување на агресивното однесување – Булинг“ свое излагање имаше проф. д-р Марија Димовска, како претставник на академската заедница која специјализира на овие прашања.

-Оваа трибина е уште еден од честите исчекори на ПОДЕМ надвор од сивилото на дневната политика кон сензибилизирање на стручната и општатата јавност за теми кои се актуелни за граѓаните, овој пат во светло на траорните настани во соседна Србија од минатата недела.

ПОДЕМ останува доследна на својата граѓанска, центристичка определба и продолжува своите главни квалитети, академскиот и интелектуалниот капацитет да ги става во служба на отворање и решавање на прашањата пред истите да станат вистински проблеми, беше речено на трибината.

 

IV КОНГРЕС НА ПОДЕМ “OБЕДИ...

Ве известуваме дека Партијата на Обединети Демократи на Македонија  
ПОДЕМ, во 30.10.2022, го одржа Четвртиот Конгрес (Обединети за стабилна 
Македонија), во големата сала на Народниот театар во Битола, во присуство на 386 
делегати од сите Општински организации на ПОДЕМ. На Конгресот беа избрани 53 
членови на Централниот Одбор и 7 членови на Надзорниот Одбор. Истовремено 
едногласно за Претседател на ПОДЕМ беше (ре) избран проф. д-р Живко Јанкуловски. 
Во своето обраќање г-дин Живко Јанкулоски истакна Идејата за постоење на 
ПОДЕМ подразбира најпрво стабилна партиска инфраструктура во 53 општини во 
Македонија, со над 18.000 членови, со формирани и активни Организации на жени и 
млади со над 12.000 членови, со одржани конференции на млади и жени со 500, 
односно 300 делегати, значајни изборни резултати од еден до друг изборен циклус, со 
раст на довербата на граѓаните, што видливо се отчитува преку приклучувањето нови 
членови кои ја препознаа визијата и мисијата за подем на Македонија. Досега се 
одржани 3 конгреси и две конференции”. 
Понатаму претседатедлот на ПОДЕМ истакна На овој пат продолжуваме и 
понатаму, зашто цврсто веруваме и чувствуваме дека стратешката визија на ПОДЕМ за 
економски и политички стабилна, интегрирана и почитувана Македонија е реална и 
остварлива. И токму во насока на остварување на целите кои ја сочинуваат стратешката 
визија е и реализацијата на проектите од Програмата на ПОДЕМ, кои вклучуваат 
имплементација на европските стандарди во областа на земјоделството, економијата, 
социјалната политика, здравството, образованието, локалната самоуправа, 
меѓународните односи, културата, спортот и сите други области на општествено
политичко живеење и работење”. 
На конгресот присуствуваше и г-дин Тони Коњановски, градоначалник на општина 
Битола, а присутни беа и делегации од ВМРО ДПМНЕ, СПМ, ДСР, НЛП, Македонска ера 
трета, ДПТ. Пред делегатите свое обраќање имаше и Тимчо Муцунски  потпретседател 
на коалициската ВМРО ДПМНЕ, кој во своето обраќање истакна ПОДЕМ предводена од 
проф. д-р Живко Јанкуловски ќе биде дел од нашата победничка коалиција која ќе ја 
смени перцепцијата за политиката во Македонија. Време е за брзи промени кои ќе ни 
дадат надеж дека нашето знаење, труд и инвентивност можат да бидат употребени за 
создавање на поубаво утре, иднина за младите генерации и за сите оние кои сакаат да ја 
напуштат државата како резултат на политиките кои создадоа бесперспективност. 
Позитивните промени се неизбежни, а ВМРО-ДПМНЕ ќе биде предводник на 
коалицијата која ќе докаже дека Македонија може да функционира како и секоја друга 
развиена, прогресивна и просперитетна држава. 

Потврдени кандидати за сов...

На седница на Централниот Одбор на ПОДЕМ, која се одржа во Кавадарци се потврдија кандидатите за членови на советите и за градоначалници.
ПОДЕМ во дел од општините на претстојните локални избори ќе настапи како дел од коалицијата “Македонија за сите луѓе”, а во дел ќе има самостоен настап.
На истата седница беше формиран Централен изборен штаб и беа утврдени и приоритетите по општините за кои ќе залагаат кандидатите на ПОДЕМ.

ПОДЕМ со поддршка на протес...

Партијата на обединети демократи дава целосна поддршка на одржувањето на Семакедонскиот протест што ќе се одржи на 25.04.2021ва година пред Владата и Собранието на Република Македонија. ПОДЕМ со своето членство ќе даде придонес во поддршката за безусловно ослободување на неправедно осудените Македонци за настаните во Собранието на РМ од 27ми април 2017та година.